Украинанын президенти жарандарга курал таратууга уруксат берди - Baleket.kg
Дүйнөгө дүрбү

Украинанын президенти жарандарга курал таратууга уруксат берди

Кызыктын баары телеграммда: https://t.me/baleketkg

Baleket.kg — Украинанын президенти Владимир Зеленский өлкөнүн Куралдуу күчтөрү Россиянын армиясынын чабуулуна татыктуу жооп кайтарып, кармаш өлкөнүн дээрлик баардык аймагында уланып жатканын кабарлады. Бул тууралуу Азаттык жазып чыкты.

24-февралдагы атайын брифингде ал аскерлер жардамга муктаж экенин кошумчалап, Украинанын суверенитетин коргоону каалаган жарандардын баарына курал таратыла баштаганын баса белгиледи.

“Биздин элдин келечеги азыр ар бир жарандан көз каранды. Курал кармоо тажрыйбасы бар ар бир киши Украинаны коргоого кошулса болот. Бул үчүн алар тиешелүү борборлорго келиши керек. Ички иштер министрлиги мамлекетти коргоо үчүн ардагерлерди да тарта баштады”, — деди ал.

Украинанын президентинин кеңсеси ушул убакка чейин Россиянын ракеталык чабуулдарынан улам Украинанын Куралдуу күчтөрүнүн 40тан ашуун кызматкери каза болуп, ондогон жоокер жараат алганын билдирген.

Россиянын президенти Владимир Путин 24-февралда таң эрте билдирүү жасап, Донбасста атайын аскердик операция баштоо тууралуу чечим кабыл алганын айткан. Ал украин жоокерлерин куралдарын тапшырып, үйүнө кайтууга чакырды. Таңкы саат бештерде орус аскерлери Украинага чабуул жасап, бастырып кирди.

Украинанын президенти Владимир Зеленский бул аракетти өлкөгө ачылган согуш деп атап, Россиянын Украинага кол салышына байланыштуу дүйнөлүк лидерлерди Путинге каршы коалиция түзүүгө чакырды.

Ушул тушта Украинанын борбору Киев баштаган шаарларда, Краматорск, Харьков, Донецк жана башка облустарда, чек арадагы аймактарда жардыруу, аткылоо болгону тууралуу маалыматтар тарап жатат. Украинанын Ички иштер министрлиги аскердик башкармалыктарга, аэродромдорго, аскердик кампаларга жана чек ара пункттарына ракета атылып, ок тийгенин ырастады.

Булак: Baleket.kg

Телеграммга кириңиз, кызыктар сизди күтөт!
Катталуу
Сиздин пикир маанилүү!
guest
0 Комментарий
Баардык комментарийлерди көрүү
Back to top button

This site is protected by wp-copyrightpro.com

0
Өз оюңуз менен бөлүшүңүзx
()
x