Ошто 8 сааттын ичинде эрежени бузгандарга 39 протокол түзүлдү - Baleket.kg
КоомЫсык жаңылык

Ошто 8 сааттын ичинде эрежени бузгандарга 39 протокол түзүлдү

Baleket.kg — Ош шаарында жолдон өтүүдө жол кыймылынын эрежелерин бузган жарандарга 8 сааттын ичинде 39 протокол түздү. Бул тууралуу Ош шаарын боюнча МККБнын Басма сөз кызматы кабарлады.

Ички иштер министринин орун басары Октябрь Урмамбетовдун тескемесине ылайык, жөө жүргүнчүлөр өтүүчү өтмөктөрдөгү жол унаа кырсыгын азайтуу максатында атайын план түзүлүп, түшүндүрүү иштери башталды.

Ош шаардык милициясынын Ак-Буура жана Сулайман-Тоо бөлүмдөрүнүн аймактык тескөөчүлөрү Милициянын кайгуул кызматы бөлүмү менен биргеликте атайын план түзүп, жолдон жөө адамдар өтүүчү өтмөктөрдөн өтпөй, жол кыймылынын эрежелерин бузган жарандарга түшүндүрүү иштери жүрүп, протоколдор түзүлдү.

Ош ШИИБдин Ак-Буура, Сулайман-Тоо милиция бөлүмдөрүнүн кызматкерлери, аймактык тескөөчүлөр менен биргеликте Милициянын кайгуул кызматы бөлүмү Ош шаарындагы 11 тилкеде түшүндүрүү иштерин жүргүзүштү.

Анын алкагында милициянын аймактык тескөөчүлөрү жана кайгуул кызматкерлери тарабынан жөө адамдар өтүүчү өтмөктөрдөн өтпөй, ЖКЭни бузган жарандарга 8 сааттын ичинде Укук бузуулар кодексинин 190-беренесинин (жөө жүргүнчү жөө өткөлүү жерден өтпөгөндүгү үчүн) негизинде проктоколдор түзүлдү.

Булак: Baleket.kg

Катталуу
Сиздин пикир маанилүү!
guest
0 Комментарий
Баардык комментарийлерди көрүү
Back to top button

This site is protected by wp-copyrightpro.com

0
Өз оюңуз менен бөлүшүңүзx
()
x