Мамлекеттик телеканалдарды сатуу маселеси көтөрүлдү - Baleket.kg
СаясатЫсык жаңылык

Мамлекеттик телеканалдарды сатуу маселеси көтөрүлдү

Baleket.kg — Жогорку Кеңештин депутаты Дастан Бекешев мамлекетке караштуу гезит, сайт, радио жана телеканалдарды бириктирип, чоң медиа холдинг түзүп, айрымдарын жеке менчикке сатууну сунуштады.

Азыркы тапта парламентте КТРКнын макамын «улуттук канал» деп өзгөртүү мыйзам долбоору каралып жатат.

Эл өкүлү мамлекеттик ЖМКларга жылына бюджеттен 9 миллион доллар сарпталарын айтты. Анын ичинен КТРКга 400 миллион сом бөлүнөрүн белгилеп, бул телеканалды дагы сырткы башкарууга берүү маселесин көтөрдү.

Маданият, маалымат, спорт жана жаштар саясаты министри Азамат Жаманкулов мындай идеяны жарым-жартылай колдой турганын билдирди.

«Мамлекеттин колунда турган кээ бир телеканалдарды сатыш керек деген позициябызды мурдатан бери эле айтып келебиз. «Бешинчи канал», «Пирамида» сыяктуу телеканалдарды жеке менчикке өткөрүүгө каршы эмеспиз. Бирок мамлекеттин саясатын жүргүзгөн бир телеканал болушу керек. Бул жерде маданият, спорт сыяктуу социалдык чоң функция бар. Ошолордун баарын көрсөтүп турушубуз абзел. Ошондуктан КТРК менен ЭлТР мамлекеттин колунда калганы туура», — деди Жаманкулов.

Ошондой эле ал мамлекеттин колундагы баардык ЖМКларды бириктирүү долбоору иштелип жатканын кошумчалады.

Булак: Baleket.kg

Катталуу
Сиздин пикир маанилүү!
guest
0 Комментарий
Баардык комментарийлерди көрүү
Back to top button

This site is protected by wp-copyrightpro.com

0
Өз оюңуз менен бөлүшүңүзx