Чүй райондук тартип сакчылары жарандардын ыраазычылыгына арзыды - Baleket.kg
КоомЫсык жаңылык

Чүй райондук тартип сакчылары жарандардын ыраазычылыгына арзыды

Baleket.kg —  Ички иштер министри милициянын генерал-майору Улан Ниязбековдун атына Чүй районунун жашоочусу Мисько Руфина Васильевна милиция кызматкерлеринин иш-аракетин жогору баалап, ыраазычылык кат жөнөттү. Бул тууралуу ИИМдин Басма сөз кызматы билдирди.

“Мен Чүй районунда көптөн бери жашайм. Биз жакта иштеген милиция кызматкерлеринин жарандар менен тыгыз иштешип, калктын көйгөйлөрүнө кайдигер мамиле кылбай, жардамын берип келе жаткандары жана сылык мамилелери үчүн жүрөгүм абдан жылыйт”,— деген Рувина айым.

Эмесе, ыраазычылык катты толугу менен сунуштайбыз:

“Урматтуу Улан Омоканович, мен Сизге кайрылып жатканымдын себеби төмөнкүдөй.

Чүй районунун ички иштер бөлүмүнүн начальниги Эрлан Исмаиловго, анын орун басары Асылбек Назаралиевге жана алар жетектеген милиция кызматкерлерине ыраазычылык билдирүүнү туура көрдүм. Алар өзүнүн жасаган иштери менен уурулардан жана тоноочулардан калкты жогорку деңгээлде коргоонун үлгүсүн көрсөтүп келишүүдө.

Тергөөчү Адилет Джеңишбеков учурда убактылуу эч ким жашабаган 2 үйдү уурулардан коргоого жардам берди.

Милициянын аймактык тескөөчүлөрү Болот Жороев менен Бекжан Абышев пенсионер курактагы мага өз каражаттарынын эсебинен кулпу сатып келишип, дарбазамды өздөрү оңдоп берип кетишти. Мунун негизинде уруулукка жана тоноочулукка жол беришкен жок.

Ал эми нөөмөтчү Закир Адылов менен Данияр Мурзабаевдер жарандарга ар дайым сылык мамиле жасашып, кайрылууларды убагында кабыл алышып, кеңештерин берип турушат. Чүй райондук ИИБдин жетекчилиги дагы жарандар менен тыгыз иштешип, калк менен жолугуп, алдын алуу иштерин жүргүзүп келе жатканын дагы көрүүдөмүн.

Сиздерди 23-февраль-Мекенди коргоочулар күнү менен алдын ала куттуктайм. Жарандардын тиреги болуп, элдин кызматында жүрө беришиңиздерге тилектешмин”,-деген Руфина Васильевна ыраазычылык катта.

Телеграммга кириңиз, кызыктар сизди күтөт!

«Ички иштер министрлигинин жетекчилиги милиция кызматкерлеринин иши жөнүндө коомчулуктун баардык ой-пикирин жогору баалайт жана тартип сакчыларынын дарегине айтылган жылуу сөздөргө терең ыраазычылыгын билдирет,» — деп жазылат маалыматта.

Булак: Baleket.kg

Катталуу
Сиздин пикир маанилүү!
guest
0 Комментарий
Баардык комментарийлерди көрүү
Back to top button

This site is protected by wp-copyrightpro.com

0
Өз оюңуз менен бөлүшүңүзx