Акжол Махмудов турнирде жеңилип калды - Baleket.kg
Ысык жаңылык

Акжол Махмудов турнирде жеңилип калды

Baleket.kg — Кыргызстандык балбан Акжол Махмудов Болгарияда өтүп жаткан Dan Kolov — Nikola Petrov эл аралык турниринин жарым финалында жеңилип калды.

Ал үй ээси, болгариялык Айк Мнацаканян менен күрөшүп, беттеш 4:2 эсеби менен аяктаган. Балбандар экинчи бөлүккө өтүп, эсеп саны 1:1 болуп турганда атаандашы Акжолду партерден көтөрүп, эки упайга ээ болду. Бирок ал көтөргөндө Акжол каршылашын басып жыгылып, тегерек чийинден сүрүп чыгарган. Бул үчүн кыргызстандык балбанга бир упай берилди. Буга макул болбой машыктыруучу челлендж ыргытса, болгариялык балбан ортого түшкөн челленджди четке ыргыта тепти.

Жыйынтыгында калыстар машыктыруучунун талаштуу сурамын канааттандырган жок. Мындан улам каршылашына дагы бир упай берилип, беттеш 4:2 эсеби менен жыйынтыкталды.

Кыргызстандын Күрөш федерациясы Instagram баракчасы аркылуу Бириккен күрөш уюмуна даттанган.

«United World Wrestling, болгариялык спортчу Айк Мнацаканяндын агрессивдүү жана жосунсуз аракеттерине, ошондой эле калыстар комиссиясынын кыргызстандык Акжол Махмудовго карата чыгарган чечимине көңүл бурушуңуздарды сурайбыз», — деп айтылат кайрылууда.

Телеграммга кириңиз, кызыктар сизди күтөт!

Dan Kolov — Nikola Petrov эл аралык турнири Болгариянын Велико-Тырново шаарында (17-20-февраль) өтүп жатат.

Булак: Baleket.kg

Катталуу
Сиздин пикир маанилүү!
guest
0 Комментарий
Баардык комментарийлерди көрүү
Back to top button

This site is protected by wp-copyrightpro.com

0
Өз оюңуз менен бөлүшүңүзx