Навальный россиялыктарды Украина менен согушка каршылык билдирүүгө чакырды - Baleket.kg
Дүйнөгө дүрбү

Навальный россиялыктарды Украина менен согушка каршылык билдирүүгө чакырды

Baleket.kg — Россиялык оппозициялык саясатчы, абакта жаткан Алексей Навальный жарандарды акцияларга чыгууну жана Украина менен согушууга каршылык билдирүүгө чакырды. Билдирүү анын атынан социалдык түйүндөрдөгү баракчаларда 2-мартта жарыяланды. Бул тууралуу Азаттык жазып чыкты.

“Эгер согушту токтотуу үчүн түрмөлөр менен автозактарды толтуруу керек болсо, толтуралы. Мен 100 жыл мурдагы чын-төгүнү белгисиз окуялар кол салууга себепчи болгонун көрүп туруп, унчукпай коё албайм”, — деп жазды ал.

Навальный Россиянын аймагында, чет жакта орус жарандарын тынымсыз нааразылыктарды өткөрүүгө үндөдү.

Президент Владимир Путинди кескин сындап, орус бийлигинин коррупциялык аракеттерин ашкерелеп келген Навальный 2020-жылдын август айында ууландырылып, Германияга дарыланууга жеткирилген. Ал 2021-жылы январь айында Россияга кайтып келгенде кармалган жана жети жыл мурдагы “Ив Роше» ишине байланыштуу «шарттуу жазанын эрежелерин бузду» деп айыпталып, дээрлик үч жылга кесилген.

Россия 24-февралда Украинага басып кирген. Бир аптадан бери орус армиясы менен Украина армиясы согушууда. Андан бери ондогон жай тургундардын жана жүздөгөн аскерлердин өмүрү кыйылганы маалым болду.

Булак: Baleket.kg

Катталуу
Сиздин пикир маанилүү!
guest
0 Комментарий
Баардык комментарийлерди көрүү
Back to top button

This site is protected by wp-copyrightpro.com

0
Өз оюңуз менен бөлүшүңүзx